+९७७-९८५५०१८११८
logo
अन्तरवार्ता

जो आएपनि गर्नैपर्ने कामहरु हामीले गरेका हौँ



अन्तरवार्ता   2016 पटक पढिएको   ईहेटौंडा अनलाइन     
हेटौंडा । हेटौंडा उपमहानगरपालिकाले ल्याएका योजनाहरु कार्यान्वयनको सन्दर्भमा पटक– पटक व्यवसायीहरुले विरोध जनाउँदा योजना कार्यान्वयनमा समस्या देखिने गरेको छ । यिनै विषयहरुमा केन्द्रित रहेर हेटौंडा उपमहानगरपालिकाका उपमेयर मिना लामासँग गरिएको संक्षिप्त कुराकानी ।

जो आएपनि गर्नैपर्ने कामहरु हामीले गरेका हौँ


अन्तरवार्ताको अंश :



  • हिजोआज के मा व्यस्त हुनुहुन्छ ? 

नयाँ आर्थिक वर्षको नीति तथा कार्यक्रम पेश गरेका छौं । त्यसलाई कार्यान्वयनको लागि छलफल र योजना बनाउने कामहरु भइरहेका छन् ।

  • उपमहानगरपालिकाले ल्याएका कतिपय योजना कार्यान्वयन गर्ने सन्दर्भमा बजार बन्द हुँदा उपभोक्ता मारमा पर्ने गरेका छन् । गृहकार्य नगरी योजना बनाइन्छ कि, यस्तो किन भइरहेको होला ? 


हामीले आम नागरिकको हितका लागि नै योजना बनाउने गरेका हौं । हालै हामीले “नो पार्किङ”को योजना कार्यान्वयनको सन्दर्भमा पनि व्यवसायीहरुले ४ दिन बजार बन्द गर्नुभएको थियो । स्वभाविक रुपमा यस्ता आन्दोलनले उपभोक्ता र व्यवसायी स्वयम् पनि मारमा परेको हामीले महसुस गरेका छौं । 

हामीले बजारलाई व्यवस्थित र मर्यादित गर्न खोजेका हौं । यो जिम्मेवारीमा जो आएपनि गर्नैपर्ने काम हामीले गरेका हौं भन्ने लाग्छ । त्यो कुर्सीमा जो भएको भएपनि यो काम गर्नैपर्ने थियो । यो आम सरोकारको विषय हो । नयाँ काम सुरु गर्दा जहाँ पनि समस्या आउँछ । यसलाई सकारात्मक रुपमा लिनुपर्छ । व्यवसायीहरुले आफ्ना कुराहरु राख्न पाउनु उहाँहरुको पनि अधिकार हो । यसलाई हामीले सकारात्मक रुपमा नै लिएका छौं । मलाई लाग्छ, यसले अझ हामीलाई सहयोग नै गर्छ । 

आन्दोलन र निरन्तर छलफलले हामीबीच भएका असमझदारी मेटिएर सकारात्मक वातावरण सृजना गर्छ भन्ने हो । हामीले पटक–पटक उहाँहरुसँग सल्लाह गरेर नै अघि बढेका छौं । अहिले जतिपनि निर्णयहरु भएका छन्, सबैमा उहाँहरु सहभागी पनि हुनुहुन्छ र उहाँहरुकै सल्लाह, सुझावलाई टेकेर काम अघि बढाइरहेका छौं । आगामी दिनमा पनि सबैको सल्लाह सुझावलाई लिएर अघि बढ्नेछौं । पछिल्लोपटक भएको हाम्रो कार्यपालिका बैठकले पनि सरोकारवाला सबै पक्षको सहयोग, सल्लाह लिएर योजना कार्यान्वयनमा अघि बढ्ने निर्णय गरेको थियो ।




  • नगरपालिकाले पार्किङका लागि तोकेको क्षेत्रहरु अलि ढाटा भएको होइन र ?

हामीले सुमो काउन्टर चौकीटोलमा रहेको रोपवेको खाली जग्गामा व्यवस्थित गर्न खोजेका हौं । फरेष्ट्री अगाडी, टिसिएनको खाली जग्गा, जिल्ला प्रहरी कार्यालय अगाडी, ट्राफिक प्रहरी कार्यालय अगाडी ४ पाङ्ग्रे र अटोको पार्किङ व्यवस्थित गर्ने प्रयास भएको छ । स्कूलरोडमा पार्किङ हटाएर भुटनदेवी स्कूल अगाडीको स्पेसमा व्यवस्थित गर्न खोजेका छौं । हामीले कतिपय स्थानमा डोरी टाँगेर पार्किङका लागि व्यवस्थित बनाइसकेका छौं भने कतिपय स्थानमा तयारी हुँदैछ । आज–भोलीमा हुन्छ । यो सबै उहाँहरुसँगकै छलफलबाट नै भएको छ । हामी योजना कार्यान्वयनमा अघि बढिसकेका छौं ।

यि क्षेत्रहरु टाढा भन्ने होइन । सुरुमा बानी पार्न गाह्रो हो । बानी नहुँदासम्म समस्या हो । नत्र पार्किङ स्थलहरु त्यति टाढा बनाइएको छैन । २ सय, ३ सय मिटरदेखि बढीमा ४ सय मिटरसम्म पर होला । बानी बनाउन पर्छ जस्तो लाग्छ । निर्णय भएका स्थानहरुमा उहाँहरुले लगेर राख्नुपर्छ । बानी नहुँदासम्म अलि असहज लागेपनि बिस्तारै बानी पर्छ । 

  • पटक– पटक यस्ता आन्दोलन नहुने वातावरण कसरी बनाउन सकिएला ? 

हामीले हाम्रो लागि मात्रै सोच्ने होइन कि, अरुका लागि पनि सोच्ने हो भने यो कुरा सामान्य हुन्छ जस्तो लाग्छ । हेटौंडाको अहिलेकै सन्दर्भमा कुरा गर्ने हो भने यहाँ ३ नम्बर प्रदेशको राजधानी छ । मुख्यमन्त्री, सभामुख देखि मन्त्रीज्यूहरु र सांसदज्यूहरु यहाँ हुनुहुन्छ । चहलपहल बढेको छ । सडकमा सवारीको चाप धेरै छ । हामीले आफ्नो क्षेत्र कसरी व्यवस्थित र मर्यादित बनाउने भन्ने बारेमा सोच्नैपर्छ । अहिले चितवनलाई हेरौं, त्यहाँ पनि बजार व्यवस्थित बनाइएको छ । अरु तराईका जिल्लाहरुमा पनि बजार व्यवस्थित बनाउन प्रयास भएका छन् । सबैले आफ्नो ठाउँ राम्रो बनाउने भन्ने बारेमा सोचिरहेका छन्, भने हामीले पनि बजार व्यवस्थित र मर्यादित बनाउने बारेमा सोचौं । हामीले संकुचित भएर होइन कि, अलि व्यापक भएर सबैको हीतका निम्ति सोच्न जरुरी छ । हामीले ससाना कुराहरुमा द्वन्द्व गरेर बस्नुपर्ने बेला छैन । आफ्नै बारेमा मात्रै भन्दा पनि सबैको हीतमा अलि फराकिलो भएर सोचिदिने हो भने यस्ता समस्या स्वतः हल भएर जान्छन्, भन्ने लाग्छ । 


प्रस्तुतिः शुभलक्ष्मी विश्वकर्मा







सम्बन्धित शिर्षक समाचारहरु

जो आएपनि गर्नैपर्ने कामहरु हामीले गरेका हौँ

हेटौंडा उपमहानगरपालिकाले ल्याएका योजनाहरु कार्यान्वयनको सन्दर्भमा पटक– पटक व्यवसायीहरुले विरोध जनाउँदा योजना कार्यान्वयनमा समस्या देखिने गरेको छ । यिनै विषयहरुमा केन्द्रित रहेर हेटौंडा उपमहानगरपालिकाका उपमेयर मिना लामासँग गरिएको संक्षिप्त कुराकानी ।

मैले खोजेजस्तै कम्युनिष्ट नेता र विचारक हुनुहुँदो रहेछ श्यामप्रसाद

मकवानपुरमा हालै स्थापना भएको “श्यामप्रसाद शर्मा स्मृति प्रतिष्ठान”का सदस्य तथा प्राध्यापक ऋषिराम पोखरेलसँग गरिएको संक्षिप्त कुराकानी ।

''न्याय,समृद्ध र सभ्य समाज निर्माणको लागि जीवनभर लाग्नुभयो''

श्यामप्रसाद जिवित रहँदासम्म, नेपाली समाज र सिंगो मानव जातिको न्यायोचित प्रगतिको पक्षमा विचार मन्थनमा नै सक्रिय हुनु हुन्थ्यो ।

सम्भाव्यता अध्ययन चीनले गर्छ, लगानीको विषयमा छलफल हुँदै जान्छ : परराष्ट्रमन्त्री ज्ञवाली

बुधबार प्रधानमन्त्री ओली र राष्ट्रपति सीबीच तथा बिहीबार प्रधानमन्त्री केपी शर्मा ओली र समकक्षी लीबीचको भेटवार्ता र दुई देशद्वारा जारी संयुक्त प्रेस वक्तव्यपछि परराष्ट्रमन्त्री प्रदीप ज्ञवालीले बेइजिङमा दिएको संक्षिप्त अन्तर्वार्ता :

माडीका मेयर भन्छन् बाँदरमुढेमा हामी अझै पीडामै छौं

माडी नगरपालिकास्थित बाँदरमुढेमा ३९ जनाको ज्यान जानेगरी माओवादीले सार्वजनिक बसमा बम विस्फोटन गराएको १२ वर्ष बितेको छ । १२ वर्षमा खोलो पनि र्फकन्छ भनेजस्तै यसपालिको चुनाबमा माओवादीले यही ठाउँबाट मेयर पदमा जित हात पारेको छ।



  • रोजगारी सृजना गर्ने आइडियामा ३ नम्बर प्रदेशले लगानी गर्छः मन्त्री दुलाल

    हेटौंडा,२७ साउनः बेरोजगारीको समस्या हल गर्ने किसिमका कुनै आइडिया छ भने त्यसमा ३ नम्बर प्रदेश सरकार लगानी गर्न तयार रहेको यस प्रदेशका सामाजिक विकास मन्त्री युवराज दुलालले बताएका छन् ।
    प्रदेश समाचार
    3336     ईहेटौंडा अनलाइन
  • गितावर आधारभुत बिद्यालय समुदायलाइ हस्तान्तरण

    बकैया,१० फागुन मकवानपुर । पूर्बी मकवानपुरको बकैया गाउँपालिका पावसस्थित विद्यालयको नवनिर्मित भवन बिद्यालयलाइ हस्तान्तरण गरेको छ ।
    शिक्षा/स्वास्थ्य
    2068     यादव चौलागाईं
  • जो आएपनि गर्नैपर्ने कामहरु हामीले गरेका हौँ

    हेटौंडा । हेटौंडा उपमहानगरपालिकाले ल्याएका योजनाहरु कार्यान्वयनको सन्दर्भमा पटक– पटक व्यवसायीहरुले विरोध जनाउँदा योजना कार्यान्वयनमा समस्या देखिने गरेको छ । यिनै विषयहरुमा केन्द्रित रहेर हेटौंडा उपमहानगरपालिकाका उपमेयर मिना लामासँग गरिएको संक्षिप्त कुराकानी ।
    अन्तरवार्ता
    2016     ईहेटौंडा अनलाइन
  • मेरो सङ्घर्ष केवल प्राप्तिको लागि मात्र होइन ।

    डा.झमक घिमिरे जन्म-२०३७ असार २१ गते शुक्रबार, धनकुटा बहु-प्रतिभावान नेपाली महिला स्रष्टा हुनुहुन्छ । प्रति मष्तिस्क रोग (Cerebral palsy) द्वारा पीडित घिमिरे, उक्त रोगद्वारा पीडित विश्व कै १० प्रतिभावान साहित्यकार मध्ये एक हुनुहुन्छ ।
    अन्तरवार्ता
    1897     महेन्द्र ओझा
सम्पर्क

हेडम्बा पब्लिकेशन प्रा.लि.

द्वारा सन्चालित ईहेटौंडा अनलाइन
ठेगाना: हेटौडा, -४, मकवानपुर, नेपाल
+९७७-९८५५०१८११८, ९८५५०८५१२३
ehetaudaonline@gmail.com
संस्था दर्ता
कम्पनी दर्ता नं. : १६८१५२/०७३/०७४
प्यान दर्ता नं. : ६०५९५४०७८
प्रेस काउन्सिल दर्ता नं. : २३१५/०७४/०७५
हाम्रो समुह

नानीमैया बिष्ट

सम्पादक, +९७७-९८५५०१८११८

शुभलक्ष्मी विश्वकर्मा

सह-सम्पादक, +९७७-९८५५०८५१२३

कौशल पाण्डे

सल्लाहकार, +९७७-९८४५०२५८२५
more...
सोसल मिडिया
Facebook
Twitter
Youtube
संचालन तथा प्रायोजनको हक सर्बाधिकार © ईहेटौंडा अनलाइन, हेटौंडा २०७४ मा सुरक्षित रहनेछ ।
Powered by: ExNet  
Top