15 Dec 2018   |   
logo
स्थानीय समाचार

चाडपर्वमा महिला पत्रकारलाई थप कार्यबोझः विष्ट



स्थानीय समाचार   ईहेटौंडा अनलाइन   २०७५ असोज २५ बिहीवार  
हेटौंडाः नेपाल पत्रकार महासंघ ३ नम्बर प्रदेश सदस्य नानीमैया विष्टले चाडपर्वका बेला महिला पत्रकारहरुलाई थप कामको बोझ हुने बताएकी छिन् ।

चाडपर्वमा महिला पत्रकारलाई थप कार्यबोझः विष्ट


क्रियाशील पत्रकार महिला, मकवानपुर शाखाले आज हेटौंडामा आयोजना गरेको शुभकामना आदानप्रदान तथा चियापान कार्यक्रममा मन्तव्य दिँदै विष्टले यस्तो बताएकी हुन् । 


आफ्नो नियमित कामका अतिरिक्त घरायसी काम पनि सामान्य अवस्थाभन्दा बढी हुने भएकाले महिला पत्रकारहरु आफ्नो ड्युटी कसरी मिलाउने भन्ने तनावमा हुने गरेको आफूले पाएको उनको अनुभव थियो । “मिडिया क्षेत्रमा अन्यत्रजस्तो विदा नहुने र घरमा पनि उत्तिकै जिम्मेवारी हुने हुँदा महिलाहरुलाई चाडपर्वका बेला अरु समयभन्दा गाह्रो भएको देखिन्छ”, उनले भनिन् । 


एकातर्फ घर परिवारमा आफ्नो जिम्मेवारी, त अर्कोतर्फ आफूले काम गर्ने सञ्चार गृहमा आफ्नो जिम्मेवारी– यही कारण महिला पत्रकारहरुलाई समय मिलाउन र आफ्नो भूमिका राम्रोसँग निभाउन कठिन भएको महिला पत्रकारहरुको अनुभव छ ।  



कार्यक्रममा मन्तव्य दिँदै नेपाल पत्रकार महासंघ मकवानपुरका उपाध्यक्ष कुमार अधिकारी (पोष्टराज)ले पत्रकारिता गर्न महिलाहरुलाई अझ कठिन भएको बताए । 


चुनौतीका बाबजुद महिला पत्रकारको प्रयास र क्रियाशीलता स्वागतयोग्य भन्दै उनले समस्यालाई पन्छाउँदै अवसरको उपयोग गर्न सुझाव दिए ।




क्रियाशील पत्रकार महिला, मकवानपुरका अध्यक्ष रेश्मी कार्कीको अध्यक्षतामा शुभकामना आदानप्रदान कार्यक्रम भएको हो । 


कार्यक्रममा नेपाल पत्रकार महासंघ, ३ नम्बर प्रदेश सदस्य नानीमैया विष्टको प्रमुख आतिथ्यता तथा नेपाल पत्रकार महासंघ, मकवानपुरका उपाध्यक्ष कुमार अधिकारीको विशेष आतिथ्यता रहेको थियो ।  




सम्बन्धित तस्बिरहरु


सम्बन्धित शिर्षक समाचारहरु
  • के के मागियो बेलायती राजदुतसँग

    हेटौंडाः नेपालका लागि बेलायती राजदुत रिचर्ड मोरिसको स्वागत तथा छलफल कार्यक्रमको आयोजना गर्दै मकवानपुर उद्योग वाणिज्य संघले सहयोगको लागि अनुरोध गरेको छ ।
    स्थानीय समाचार
    44     २०७५ मंसिर २८ शुक्रवार
  • सुदूरपश्चिमका पहाडमा हिमपात, जनजीवन प्रभावित

    बैतडी : मौसममा आएको परिवर्तनका कारण विहीबार बैतडीसहित सुदूरपश्चिमका अधिकांश पहाडी जिल्लामा हिमपात भएको छ।
    राष्ट्रिय समाचार
    50     २०७५ मंसिर २८ शुक्रवार
  • इञ्जिनीयर्स एशोसिएशनको निर्वाचन शुरु

    काठमाडौँ : नेपाल इञ्जिनियर्स एशोसिएशनको ३२औँ कार्यकारिणी समिति र प्रादेशिक संरचनाका सातैवटा प्रदेश कार्यकारिणी समितिका लागि निर्वाचन शुरु भएको छ ।केन्द्रीय कार्यकारिणी समितिका १८ र प्रत्येक प्रदेश कार्यकारिणी समितिका १६÷१६ पदका लागि चुनाव हुनलागेको हो । एशोसिएशनको कार्यकारिणी समितिको पदावधि दुई वर्षको हुने प्रावधान छ ।
    राष्ट्रिय समाचार
    38     २०७५ मंसिर २८ शुक्रवार
  • युवा पुस्ता विकृतिबिरुद्ध लाग्नुपर्छः पुलामी

    हेटौंडाः ३ नम्बर प्रदेशसभा सदस्य प्रेमबहादुर पुलामीले समाजमा भईरहेको विकृति र विसंगतिको अन्त्यको लागी युवाहरु लागीपर्नु पर्ने बताएका छन् ।
    स्थानीय समाचार
    318     २०७५ मंसिर २७ बिहीवार
5727538 times visited.

सम्पर्क


,

संस्था दर्ता
कम्पनी दर्ता नं. : १६८१५२/०७३/०७४
प्यान दर्ता नं. : ६०५९५४०७८
प्रेस काउन्सिल दर्ता नं. : २३१५/०७४/०७५
हाम्रो समुह

नानीमैया बिष्ट

सम्पादक, +९७७-९८५५०१८११८

शुभलक्ष्मी विश्वकर्मा

सह-सम्पादक, +९७७-९८५५०८५१२३

कौशल पाण्डे

सल्लाहकार, +९७७-९८४५०२५८२५

पविना लामा

बजार प्रतिनिधि , +९७७- ९८४५५६१३८०३
more...
सोसल मिडिया
Facebook
Twitter
Youtube
संचालन तथा प्रायोजनको हक सर्बाधिकार © ईहेटौंडा अनलाइन, हेटौंडा २०७४ मा सुरक्षित रहनेछ ।
Powered by: ExNet  
Top