+९७७-९८५५०१८११८
logo
शिक्षा/स्वास्थ्य

बाराका बाढी प्रभावित क्षेत्रका बिरामी औषधोपचार अभावमा



शिक्षा/स्वास्थ्य   318 पटक पढिएको   सागर घोरसाइने   २०७४ भाद्र १० शनिवार  
भाद्र १० शनिवार, बारा बाढी र डुवान पिडित बिरामीको चाप बढदै गएको बेला जिल्ला अस्पताल कलैयमा औषधि र स्वास्थ्यकर्मीको सेवा अभावमा सर्वसाधारण मार्कामा परेका छन ।

बाराका बाढी प्रभावित क्षेत्रका बिरामी औषधोपचार अभावमा


अघिल्लो साताको अविरल बर्षापछि आएको बाढी र डुवानले बारा जिल्लामा भाईरल ज्वरोका बिरामीको संख्या बढेको छ । ज्वरोले थलिएका साना बालबालिकादेखी बृद्धबृद्धासम्म उपचार गराउन अस्पताल पुग्न थालेका छन तर औषधि र चिकित्सक अभावमा बिरामीले उपचार बीना नै फर्किनु परेको छ । भाईरल ज्वरोको उपचारमा समयमै हुन सक्यो भने यसबाट बच्न सकिन्छ तर कलैया अस्पतालमा भने औषधि र स्वास्थ्यकर्मीको अभाबको कारणले बिरामीले प्रभावकारी सेवा पाउन सकेको छैन ।  ‘अस्पतालमा बाढी प्रभावित क्षेत्रका बिरामी आउने क्रम बढेका छन, तर विशेषज्ञ डाक्टर नहुँदा बिरामीलाई नारायणी अञ्चल अस्पताल वीरगन्ज रिफर गर्नु पर्ने अवस्था छ ।’ कलैया अस्पताल बिकस समितिको अध्यक्ष सचिन्द्र कुमार ठाकुरले बताए । चिकित्सक अभावमा दैनिक दर्जनौै बिरामी अस्पतालबाट रिफर गरेर पठाउनु परेको उनले जानकारी दिए । उनले औषधि अभावमा फार्मेसी पनि प्रभावकारी रुपमा संचालनमा ल्याउन नसकिएको गुनासो गरे । अस्पतालको पूर्णकालीन सेवामा डा. एनामूल हक, डा. मुक्तिनारायण शाह, डा. मुस्तकिम साह र डा. रमेश शर्मा कार्यरत छन् तर, इमर्जेन्सी सेवामा समेत उनीहरू नभेटिने गरेको बिरामीले गुनासो गरेका छन । सरकारले डाक्टर, नर्स र अन्य स्वास्थ्यकर्मी तथा स्वास्थ्य संस्थामा कार्यरत कर्मचारीले बिहान ८ देखि ५ बजेसम्म अनिवार्य बस्नैपर्ने निर्देशिका पारित गरेर लागू गरेको भएपनि कलैया अस्पतालमा यो नियम लागु भएको पाइदैन । अस्पतालमा कार्यरत चिकित्सकले कलैया बजारमा रहेका क्लिनिकमा बसेर काम गर्ने गरेको स्थानीयको गुनासो छ । ५० शैयाको अस्पतालमा १४ जना विशेषज्ञ डाक्टरको दरबन्दी छ भएपनि हाल ६ जना डाक्टर मात्र कार्यरत रहेकोले सेवा प्रभावित बनेको कार्यलय प्रमुख डा. एनामुल हकले बताउछन ।  ‘आवश्यक स्वास्थ्यकर्मी नियुक्त गर्न सकिएको छैन, विशेषज्ञ चिकित्सक नहुंदा उपचारको  लागि बिरामी महंगा क्लिनिकमा जान बाध्य छन्,’ उनले भने,  रिक्त दरबन्दीमा पदपूर्ति गर्न स्वास्थ्य मन्त्रालयसंग पटक पटक आग्रह गरेपनि आदेश पाइएको छैन ।’ 

स्वास्थ्य निर्देशिका अनुसार अस्पतालको फार्मेसी चौबीसै घण्टा खुल्ला राख्नुपर्ने भनिए पनि २ नबज्दै बन्द हुने बाढी र डुवानपछि भाइरल ज्वरोले थलिएका आफना दुई छोराको उपचार गराउन अस्पताल पुगेका कलैया उपमहानगरपालिका २ का राजेश यादवले बताए । ‘ज्वरोको औषधि समेत छैन, डक्टरले बाहिरबाट किनेर ल्याउनु भन्छन,’ उनले भने, हुदो हो त मंहगा अस्पतालमा पुगेर उपचार गराइहालिन्थ्यो नि पैसा छैन कहाँबाट किनेर ल्याउने ।’ अस्पताल फर्मेसी सेवाका कर्मचारी विनोद रौनियारले फार्मेसीमा हाल पर्याप्त औषधि र जनशक्ति अभाव रहेको  बताए । थप कर्मचारी र औषधि अभावमा दुई बजेपछि फर्मेसी बन्द गर्नु पर्ने अवस्था आएको उनले सुनाए । २४ सै घण्टा संचालनमा आउनु पर्ने फार्मेसीमा काम गर्ने हाल २ कर्मचारी मात्र छन ।  अस्पतालमा अर्थोपेडिक्स, डरमेटोलोजी, प्याथलोजिस्टलगायत आठजना विशेषज्ञ चिकित्सकको दरबन्दी लामो समयदेखि खाली रहेको अस्पतालका डा. शक्ति यादबले बताए । उनका अनुसार अस्पतालमा पेडियाट्रिसियन, सर्जन, डेन्टल सर्जन, ईएनटी सर्जनको दरबन्दीपनि खाली छ । उनले भने–पुरानै संरचनाबाट सेवा संचालन गर्नु पर्ने बाध्यता छ, नयां दरबन्दी एउटा पनि कायम भएको छैन, बिरामीको चाप बढे अनुसार चिकित्सकको दरबन्दी पनि बढाउनु पर्छ ।’ उनले बाढी र डुवान प्रभावित क्षेत्रका अस्पतालमा औषधि र स्वास्थ्यकर्मीको अभाव  हुन नदिन सरकारले विशेष पहल गर्नु पर्ने सुनाए ।







सम्बन्धित शिर्षक समाचारहरु
  • ढिस्कोले पुरिएर चारजना घाइते

    धादिङ , ७, असोज घर लिप्ने माटो खन्ने क्रममा एकै गाउँका ४ जना घाइते भएका छन् ।
    समाज
    27     २०७५ असोज ०७ आइतवार
  • नेपाल महिला संघ खोटाङको उपहार सरकारलाई चश्मा

    खोटाङ , ७,असोज नेपाल महिला संघ खोटाङले कञ्चनपुरकी १३ वर्षीय बालिका निर्मला पन्तको बलात्कारपछि हत्या गर्ने दोषी पत्ता लगाउन र कानूनी कारबाही गर्न माग गर्दै प्रधानमन्त्रीलाई चश्मा उपहार पठाएको छ ।
    राष्ट्रिय समाचार
    30     २०७५ असोज ०७ आइतवार
  • घाँटी रेटी महिलाको हत्या

    बारा, ७,असोज बारामा घाँटी रेटी एकजना महिलाको हत्या भएको छ ।
    समाज
    72     २०७५ असोज ०७ आइतवार
  • तिमी रोइरहँदा मलामीलाई आगो लगाउन हतार हुनेछ

    हेटौंडा : ‘लौ लौ अबेर नगरौँ, भरे अबेर हुन्छ’ मेरा मलामी हतार गरिरहेका छन् । मलाई भने तुलसीको मोठ छेउमा टाउको दक्षिण, खुट्टा उत्तर पारेर सुताएका छन् । एउटा पातलो कपडा ओढाएका छन् । टाउको छेउमा अगरबत्ती बालिदिएका छन् र वातावरण सुवासमय भएको छ । मेरा आफन्त रोइरहेका छन् । कराइरहेका छन् ।
    कला साहित्य
    186     २०७५ असोज ०६ शनिवार
सम्पर्क

हेडम्बा पब्लिकेशन प्रा.लि.

द्वारा सन्चालित ईहेटौंडा अनलाइन
ठेगाना: हेटौडा, -४, मकवानपुर, नेपाल
+९७७-९८५५०१८११८, ९८५५०८५१२३
ehetaudaonline@gmail.com
संस्था दर्ता
कम्पनी दर्ता नं. : १६८१५२/०७३/०७४
प्यान दर्ता नं. : ६०५९५४०७८
प्रेस काउन्सिल दर्ता नं. : २३१५/०७४/०७५
हाम्रो समुह

नानीमैया बिष्ट

सम्पादक, +९७७-९८५५०१८११८

शुभलक्ष्मी विश्वकर्मा

सह-सम्पादक, +९७७-९८५५०८५१२३

कौशल पाण्डे

सल्लाहकार, +९७७-९८४५०२५८२५
more...
सोसल मिडिया
Facebook
Twitter
Youtube
संचालन तथा प्रायोजनको हक सर्बाधिकार © ईहेटौंडा अनलाइन, हेटौंडा २०७४ मा सुरक्षित रहनेछ ।
Powered by: ExNet  
Top